Në periudhën e dimrit, një nga problemet më të shpeshta që hasim në praktikën veterinare janë sëmundjet e shkaktuara nga ushqimet e dëmtuara. Lagështia, të ftohtit dhe ngricat bëjnë që foragjeret, koncentratet dhe silazhi të:

-myken

-kalben

-ngrijnë dhe degradohen

-prodhojnë toksina (mykotoksina)

Këto ushqime nuk humbasin vetëm vlerën ushqyese por ato kthehen në helm për kafshët.

Çfarë ndodh kur kafshët hanë ushqim të mykur ose të prishur?

Ushqimet e dëmtuara shkaktojnë:

-rënie oreksi

-diarre, fryrje, acidozë

-aborte te lopët dhe delet

-dëmtime të mëlçisë

-rënie të prodhimit të qumështit

-ngordhje të papritura në raste të rënda

Këto janë raste që i hasim çdo dimër në fermat shqiptare.

 Këshilla praktike për fermerët

 1.Ruani ushqimet në ambiente të thata dhe të mbuluara

-Sana, kashta dhe koncentratet nuk duhet të prekin tokën

-Përdorni paleta druri ose beton

-Mos lejoni lagështirë dhe shi

2. Mbroni ushqimin nga ngricat

Ushqimet e ngrira humbasin strukturën dhe cilësinë

Sidomos silazhi dhe panxhari i ngrirë janë shumë të rrezikshëm për shëndetin e kafshëve.

3. Kontrolloni çdo ditë

Nëse shihni:

-njolla jeshile, të zeza ose gri

-erë myku ose fermentimi

-ushqim të ngjitshëm ose të butë

Mos ia jepni kafshëve hidheni menjëherë.

4. Mos përzieni ushqimin e mirë me atë të keq

Një pjesë e mykur ndot gjithë sasinë.

5. Silazhi duhet të jetë hermetik

-Mbajeni të mbuluar

-Hapeni gradualisht

-Mos lejoni ajrin të hyjë brenda

Mos harroni:

Më mirë të humbni pak ushqim sesa të humbni një kafshë.

Shpenzimi për ushqim të hedhur është shumë më i vogël se humbja nga sëmundjet, abortet dhe ngordhjet.

Përgatiti Mjekësia Veterinare Shqiptare