Mjekësia Veterinare Shqiptare

Hyrje » Për veterinerët » Dermatologji » Pyoderma juvenile- Celulitis juvenil, tek këlyshët e qenit

Pyoderma juvenile- Celulitis juvenil, tek këlyshët e qenit

Nga Dr Atalvin Zhiva

pyoderma juvenile2Dermatiti Granulomatous steril dhe Lymphadenitis tek këlyshët e qenit( JSGDL). Njihet ndryshe dhe me emra si: Pyoderma juvenile, Celulitis juvenil etj.

Aktiviteti i plotë i sëmundjes është shumë pak apo aspak i kuptuar. Gjithsesi mundet të themi se  sëmundja ka karakter imun nisur nga përhapja e granulomave sterile dhe përgjigjes në mënyrë të menjëherëshme ndaj glukokortikoideve.

——————————————————–

Pyoderma juvenile (ose JSGDL) haset më së shumti në këlyshat e moshës nën 4 muajsh, por megjithatë në disa raste është raportuar dhe tek moshat e rritura. Këlyshët mundet të preken në mënyrë individuale apo disa këlyshe njëherësh të së njëjtës familje (të së njëjtës lindje).

Disa nga rracat më të predispozuara që preken janë: Golden Retriever, Dachshund, Setter, Sibernian huski etj.

——————————————————–

Shënjat klinike:

Dermatit JSGDLShënjat klinike tipike për pyodermat juvenile tek këlyshët e prekur janë; enjtje të rajonit të fytyrës (faciale) dhe lymphadenopathy submandibulare* . Edemat e shfaqura në fytyrë, buzë, rajonin nazal dhe veshë, janë disa nga shënjat klinike kryesorë që shërbejnë për difirencimin e sëmundjes. Këlyshët e prekur, më pak së 50 % e tyre nuk shfaqin shënja të tjera si anoreksi apo debulesë (lethargji e përgjithëshme). Edemat postulare dhe nodulare mundet të përparojnë në drenazhim apo përtharje të lezioneve. Dermatiti2 JSGDLKanali i jashtëm dhe llapa (pinea) e veshit, shpesh paraqitet me entje, skuqje dhe plagë të hapura ( erithematous **).

Lezionet në fillimin e tyre janë sterile, por megjithatë infeksionet sekondare mundet të shfaqen kur qeni nuk merr trajtimin e duhur.

Temperaturë e lartë dhe dhimbje e kyceve janë disa shënja të tjera të raportuara në rastet me kelyshët e prekur nga pyoderma juvenile.

——————————————————–

Diagnoza

Dignoza difirenciale duhet të bëhet me demadekozen.

pyoderma juvenileDiagnoza duhet të ketë për bazë egzaminimin klinik nisur nga mosha e pacientit si dhe bazuar ne entjet akute në pjesë të ndryshme të fytyrës. Në rastet kur kryhet egzaminimi citologjik do të vërehet inflamacione pa prezëncën e organizmave. Rezultatet e kulturës tek pacientët në fazën fillestare të sëmundjes do të jenë negative. Examinimi histopathologjik mund të dermatitis sërisht me prezencën e mikroorganizmave të paidentifikuara.

——————————————————–

Trajtimi

Trajtimi duhet të jetë agresiv pasi në rast se hezitojmë apo humbim kohë përballemi me përhapjen e infkesioneve sekondare. Shumica e rasteve I përgjigjen shumë mirë trajtimit me Prednisolone ose Prednisone me dozën 2 mg/kg c’do 24 orë. Kur lezionet fillojnë dhe përmisohen doza e medikamentit duhet të ulet gradualisht ( zakonisht në 2 apo 4 javë). Antibiotiku në rrugë orale ( Cephalexina 22 mg/kg c’do 12 apo Clavamox me dozën 15-22 mg/kg c’do 12 orë ) ose zgjedhje tjeter mundet Clindamycin: 5.5-11.0 mg/kg c’do 12 ore: pra antibiotiku që ju zgjidhni duhet të fillojë kur paraqiten infeksionet sekondare. Përdorimi i Cyclosporinës është i mirë në rastet kur kemi një përgjigje të ngadalëshme apo dhe në rastet kronike. Solucionet antiseptike ( Chlorhexidine 2 %) mund të japim për përdorim lokal që të fërkohen zonat e prekura, kjo do të ngadalësojë përhapjen e mëtejshme të lezioneve.

Në rastet kur fillojme menjëherë trajtimin intesiv dhe problemi kapet shpejt, apo akoma nuk kemi shfaqje të infkesioneve sekondare, prognoza për një përmisim të plotë është e mirë.

Trajtimi dhe terapia e përdorur zakonisht ndalon pas përdorimit për 4 apo 8 javësh. Në shumicën e rasteve lezionet nuk rikthehen apo rishfaqen sërisht.

Përgatiti Dr Atalvin Zhiva

 Nuk lejohet ripublikimi i këtij artikulli pa lejën e redaksisë ose autorit.

Ju lutemi, në rast referimi përmendeni burimin e informacionit veterineret.com/

* lymphadenopathy submandibulare – zmadhim mbinormë i gjëndrave limfatike submandibulare

** erithematous = skuqje e lëkurës si pasojë e kongjestionit kapilar

Burimi informacionit : Dermatitis and lymphadenitis resembling juvenile cellulitis in a four year old dog.

Muller and Kirk’s Small Animal Dermatology, 7th ed

Combination of cyclosporine A and prednisolone for juvenile cellulitis concurrent with hindlimb paresis in 3 English cocker spaniel puppies.


Na shkruani

Ju lutemi, bëni hyrjen me një nga këto metoda që të postoni komentin tuaj:

Stema e WordPress.com-it

Po komentoni duke përdorur llogarinë tuaj WordPress.com. Dilni / Ndryshojeni )

Foto Twitter-i

Po komentoni duke përdorur llogarinë tuaj Twitter. Dilni / Ndryshojeni )

Foto Facebook-u

Po komentoni duke përdorur llogarinë tuaj Facebook. Dilni / Ndryshojeni )

Foto Google+

Po komentoni duke përdorur llogarinë tuaj Google+. Dilni / Ndryshojeni )

Po lidhet me %s

Këtë e pëlqejnë %d blogues: