Roli i mjekut veteriner në mbrojtjen të shëndetit publik dhe të drejtave të kafshëve

1. Mjeku  veterinar, i emëruar apo i caktuar për veprime profesionale,zyrtare,ka per detyrë:

• Zbulimin dhe mbajtjen nën kontroll të sëmundjeve zoonoze.
• Luftimin e këtyre sëmundjeve Infektive dhe profilaksinë e tyre
• Ushtrimin e kontrollit sanitar-veterinar
• Kontrollin e kafshëve për therje dhe ekspertizën e mishit dhe organeve.
• Vlerësimin e ushqimeve me prejardhje shtazore, si qumështin e produktet e tij, produkteve të mishit, vezëve, mjaltit dhe prodhimeve të detit.
• Vlerësimin e prodhimeve ushqimore për ushqimin e kafshëve.
• Vlerësimin e materialit biologjik.

Për të gjitha këto mjeku veterinar është përfaqësuesi i shtetit  dhe për këtë atribut, mbi të   rëndon detyrimi i mbrojtjes së shëndetit publik

1. Mjeku veterinar është i detyruar   që brenda mundësive të mbrojë dhe të përhapë c’do gjë që lidhet  me të drejtat e kafshëve.
2. Ai ka për detyrë t’i heqë vërejtje pronarit të kafshës dhe organeve publike për anomalitë në aspekt të mbrojtjes së shëndetit,respektimit të të drejtave të kafshëve,për kërcënimin ekologjik,vecanërisht të mjedisit fshatar.
3. Mjeku veterinar duhet të ndikojë kudo që shikon se kushtet e mbarështrimit të kafshëve nuk janë normale.
4. Mjeku veterinar duhet t’u kundërvihet sjelljeve të padenja ndaj kafshëve.Ai duhet të përfitoje nga të drejtat që i përkasin në këtë drejtim.

Nga Dr Agim Nelaj