Jetojmë në një kohë kur ndoshta edhe për shkak të rrethanave na është krijuar bindja negative se çdo gjë është vetëm zi sa i përket zhvillimit të sektorit të bujqësisë e më saktësisht atij të blegtorisë. Por ne me përgjegjësi mund të flasim që ka edhe njerëz profesional që dijn të udhëheqin edhe këtë sektor.
Drejtoria e Bujqësisë në Ferizaj, e drejtuar nga z.Burim Bajrami me profesion Mjek Veterinar, është një shembull i mirë i cili duhet të ndiqet nga të gjitha komunat por pse jo edhe nga niveli qëndror, pra nga Ministria e Bujqësisë. Kjo Drejtori ka ndërmarrë shumë projekte të cilat kanë impakt direkt në mbrojtjen e shëndetit të kafshëve gjithashtu edhe në aspektin ekonomik të fermerëve të Komunes së Ferizajt. Në vazhdim do ti përmendim disa projekte të realizuara për sektorin e blegtorisë të realizuara gjatë vitit 2018/2019 dhe që po vazhdojnë edhe gjatë këtij viti:
1.Vaksinimi në gjedh dhe të imta kundër sëmundjeve klostridiale
2.Dehelmintizimi në gjedh dhe të imta
3.Subvencionimi i mbarsimit artificial në gjedh
4.Vaksinimi i qenve me pronar kundër sëmundjes së Tërbimit dhe trajtimi kundër endoparazitëve
5.Trajtimi i thundrave tek lopet qumështore në fermat komerciale
6.Repelimi i gjedheve
7.Shpërndarja e 850 koshereve të bletëve 2019 dhe 330 koshere të kombinuara plastikë dhe dru që janë inovative të cilat për momentin përdoren vetëm në Turqi
8.Shpërndarja për çdo vit e 60 krerë mëshqerra barse të rraces Simental
9.Rregullimi i tregut të kafshëve dhe ngritja e një strehimore për qentë endacak (është planifikuar buxheti të realizohen gjatë këtij viti)

Këtu kemi përmendur vetëm projektet që kan të bëjnë me sektorin e blegtorisë por ka edhe shumë projekte të realizuara në sektoret e tjere të cilët me të vërtet kan ndikuar në rritjen e interesit për sektorin e bujqësisë!

Eshtë kënaqësi të shohësh një koleg, një njeri të devotshëm vënë në shërbim të zonës ku jeton dhe punon.
Vazhdo punën e mirë që po bën dhe suksese në vazhdimësi i nderuar koleg!

Më poshtë po sjellim disa foto që paraqesin punën ndër vite të Z. Burim Bajrami: